Domowy porjad

A. Powšitkowne zasady šulskeho dnja

  • Šula je wot 7.00 hodź. wotewrjena. Na chódbje je wot 7.15 hodź. dohlad.
  • Wobchadna rěč je serbšćina.
  • Chcemy zhromadnje wuknyć, tohodla přińdźemy dypkownje, najpozdźišo 7.20 hodź. a na wučbu přihotowani do šule.
  • Wobchadźamy mjezsobu zdwórliwje a akceptujemy druheho.
  • Wobchowamy dobru disciplinu, njewobškodźamy inwentar a njehanjamy po rjadownjach a chódbach.
  • Handyje so w šulskich rumnosćach a na šulskej ležownosći njewužiwaja (k tomu słuša telefonowanje, pisanje SMS, fotografowanje, natočenje wobraza a zwuka).  Elektroniske nastroje (mp3-player a podobne) so do šule sobu njenoša.
  • W šulskim twarjenju chodźimy w domjacych črijach.
  • Přeńdźenja přećiwo domowemu porjadej so po šulskim zakonju (SchulG)§39 chłostaja.
  • Starši přewodźeja swoje dźěćo jenož hač do chódby. Srjedź wučbneho časa přizjewja so starši a hosćo pola sekretarki.

B. Wotběh dnja

  • Rano čakamy na šulskim dworje šule abo na chódbje (wo wuwzaćach rozsudźi dohladowacy wučer). Wužiwamy jenož zachodaj mjezychódby.
  • Po předklinkanju dźemy do rjadownjow a přihotujemy so na hodźinu.
  • Wučba započina so w 7.30 hodź.
  • Wučer zahaji a skónči hodźinu.
  • Přestawki: -snědanje- šulerjo snědaja w rjadowni
    • rańša dworowa přestawka- na najkrótšim puću won a  nutř
    • wobjed- na najkrótšim puću won a nutř, šulerjo, kotřiž
    • wobjeduja, čakaja na přikazy dohladowaceho wučerja
  • Po poslednjej hodźinje so stólcy horje staja.
  • Po šuli so při busu nastupimy, při dlěšim čakanju přebywamy na hrajkanišću abo mjezychódbje.